śrī hanumāna cālīsā

śrī guru carana saroja raja, nija mana mukuru sudhāri ।
baranau raghubara bimala jasu, jo dāyaku phala cāri ॥


buddhi hīna tanu jānike, sumiro pavana kumāra ।
bala buddhi vidyā dehu mohi harahu kaleśa bikāra ॥


jai hanumāna gyana guna sāgara ।
jaya kapīśa tihũ loka ujāgara ॥ 1 ॥


rāma dūta atulita bala dhāmā ।
añjani putra pavanasuta nāmā ॥ 2 ॥


mahābīra bikrama bajaraṅgī ।
kumati nivāra sumati ke saṅgī ॥ 3 ॥


kancana barana birāja subesā ।
kānana kuṇḍala kuñcita kesā ॥ 4 ॥


hātha bajra aur dhvajā birājai ।
kāndhe mūñja janeū sājai ॥ 5 ॥


śaṅkara suvana kesarī nandana ।
teja pratāpa mahā jaga vandana ॥ 6 ॥


vidyāvāna gunī ati cātura ।
rāma kāja karibe ko ātura ॥ 7 ॥


prabhu caritra sunibe ko rasiyā ।
rāma lakhaṇa sītā mana basiyā ॥ 8 ॥


sūkśma rūpa dhari siyahi dikhāvā ।
bikata rūpa dhari laṅka jarāvā ॥ 9 ॥


bhīma rūpa dhari asura sanhāre ।
rāmacandra ke kāja sanvāre ॥ 10 ॥


lāya sañjīvana lakhana jiyāye ।
śrī raghuvīra haraṣi ura lāye ॥ 11 ॥


raghupati kīnhī bahuta baḍāī ।
tuma mama priya bharatahi sama bhāī ॥ 12 ॥


sahasa badana tumharo jasa gāvai ।
asa kahi śrīpati kaṇṭha lagāvai ॥13 ॥


sanakādika brahmādi munīsā ।
nārada śārada sahita ahīsā ॥ 14 ॥


yama kubera dikpāla jahān te ।
kabi kobida kahi sake kahān te ॥ 15


tuma upakāra sugrīvahi kīnhā ।
rāma milāye rājapada dīnhā ॥ 16 ॥


tumharo mantra vibhīṣaṇa mānā ।
laṅkeśvara bhaye saba jaga jānā ॥ 17 ॥


yuga sahasra jojana para bhānū ।
līlyo tāhi madhura phala jānū ॥ 18 ॥


prabhu mudrikā meli mukha māhī ।
jaladhi lāṅghi gaye acaraja nāhī ॥ 19 ॥


durgama kāja jagata ke jete ।
sugama anugraha tumhare tete ॥ 20 ॥


rāma duāre tuma rakhavāre ।
hota na āgyā binu paisāre ॥ 21 ॥


saba sukha lahai tumhārī śaranā ।
tuma rakṣaka kāhū ko dara nā ॥ 22 ॥


āpana teja samhāro āpai ।
tīno loka hānka te kāpai ॥ 23 ॥


bhūta pisāca nikaṭa nahi āvai ।
mahābīra jaba nāma sunāvai ॥ 24 ॥


nāsai roga harai saba pīrā ।
japata nirantara hanumata bīrā ॥ 25 ॥


saṅkaṭa te hanumāna churāvai ।
mana krama bacana dhyāna jo lāvai ॥ 26 ॥


saba para rāma tapasvī rājā ।
tina ke kāja sakala tuma sājā ॥ 27


aura manoratha jo koī lāvai ।
soi amita jīvana phala pāvai ॥ 28 ॥


cāro yuga para tāpa tumhārā ।
hai parasiddha jagata ujiyyārā ॥ 29 ॥


sādhu santa ke tuma rakhavāre ।
asura nikandana rāma dulāre ॥ 30 ॥


aṣta siddhi nava nidhi ke dātā ।
asa bara dīnha jānakī mātā ॥ 31 ॥


rāma rasāyana tumhare pāsā ।
sadā raho raghupati ke dāsā ॥ 32 ॥


tumhare bhajana rāma ko pāvai ।
janama janama ke dukha bisarāvai ॥ 33 ॥


anta kāla raghubara pura jāī ।
jahan janama hari bhakta kahāī ॥ 34 ॥


aura devatā chitta na dharaī ।
hanumata sei sarve sukha karaī ॥ 35 ॥


saṅkaṭa kaṭai miṭai saba pīrā ।
jo sumirai hanumata balabīrā ॥ 36 ॥


jai jai jai hanumāna gosāīm ।
kripā karahu gurudeva kī nāīm ॥ 37 ॥


jo sata bāra pāṭha kara koī ।
chūṭahi bandi mahā sukha hoī ॥ 38 ॥


jo yaha parai hanumāna cālīsā ।
hoya siddhi sākhī gaurīsā ॥ 39 ॥


tulasīdāsa sadā hari cerā ।
kījai nātha hṛdaya mahaṇ ḍerā ॥ 40 ॥


pavana tanaya saṅkaṭa harana maṅgala mūrati rūpa ।
rāma lakhana sītā sahita hridaya basahu sura bhūpa ॥


siyā vara rāmacandra pada jai śaranam


maṅgala mūrati māruta nandana
sakala amaṅgala mūla nikandana


śrī rām jai rām jai jai rām
hare rāma hare rāma rāma rāma hare hare
sītā rām sītā rām sītā rām sītā rām